Sindikata e Pavarur e Minatorëve të Trepçës ka reaguar ashpër pas vendimit të Qeverisë për të paguar pagën e 13-të vetëm për punëtorët e sektorit publik, duke theksuar se minatorët janë lënë jashtë çdo përfitimi dhe trajtimi dinjitoz. Minatorët nuk kanë pasur rritje page që nga viti 2016 dhe nuk kanë marrë as pagën e 13-të, ndërkohë që përballen me kushte të rënda pune dhe rrezik për shëndetin. Sindikata denoncon gjithashtu mos-pagimin e trustit pensional dhe mungesën e mbështetjes institucionale, duke e cilësuar këtë si një padrejtësi sistematike dhe përbuzje ndaj punës dhe sakrificës së minatorëve. Ata bëjnë thirrje për stimulim dhe masa konkrete nga autoritetet për të ndalur këtë padrejtësi, duke paralajmëruar veprime në rast të mosreagimit.