Ministria e Bujqësisë nisi në fillim të vitit 2025 procedurat për ndërtimin e një objekti të ri me vlerë 8 milionë euro, pas mbylljes së bizneseve me qira në pronën e saj. Megjithatë, projekti është pezulluar disa herë, pasi pesë kompani ndërtimi kanë ankuar në Organin Shqyrtues të Prokurimit, duke pretenduar shkelje ligjore nga ministria. Ekspertët e prokurimit vlerësojnë se ministria nuk ka bërë ndryshimet e nevojshme në dosjen e tenderit dhe ka vendosur kritere që favorizojnë operatorë të caktuar. Me ndryshimet e fundit në ministri dhe në mandatin e ri qeveritar, po shqyrtohet seriozisht mundësia e anulimit të plotë të tenderit, ndërkohë që ministria vazhdon të paguajë mbi 40 mijë euro në muaj për qiranë e objektit aktual.