Ministria e Mjedisit, Planifikimit Hapësinor dhe Infrastrukturës ka nënshkruar një marrëveshje bashkëpunimi me Odën e Arkitektëve të Kosovës, duke i dhënë mbështetje financiare prej 138,417.50 euro. Kjo iniciativë synon fuqizimin e profesionit të arkitekturës dhe zhvillimin e sektorit përmes organizimit të konkurseve kombëtare dhe ndërkombëtare. Fokus i veçantë do të jetë rigjenerimi i hapësirave të mbrojtura natyrore si lumenjtë, liqenet, lagunat dhe parqet. Projekti synon të sjellë zgjidhje inovative për rehabilitimin dhe promovimin e hapësirave cilësore, duke mbrojtur natyrën dhe duke shërbyer interesit publik.