Ministria e Industrisë, Ndërmarrësisë, Tregtisë dhe Inovacionit (MINTI) ka vijuar inspektimet në tregun e produkteve të qumështit që përmbajnë përbërës bimore dhe shtazore, duke kryer shtatë kontrolle në katër qytete të ndryshme të Kosovës. Këto veprime po realizohen në bashkëpunim me Inspektoratin Qendror të Mbikëqyrjes së Tregut dhe Agjencinë e Ushqimit dhe Veterinarisë, me qëllim rritjen e transparencës dhe sigurimin që konsumatorët të kenë informacion të saktë për produktet në treg. Të gjitha rastet e zbuluara gjatë kontrolleve janë dërguar në procedura administrative për veprime të mëtejshme në përputhje me gjetjet. MINTI ka ftuar qytetarët që të raportojnë çdo parregullsi të mundshme duke dërguar prova përmes numrit të dedikuar në Viber ose emailit zyrtar.