Ministria e Industrisë, Ndërmarrësisë, Tregtisë dhe Inovacionit (MINTI) ka kërkuar nga operatorët ekonomikë që veprojnë në fushën e produkteve të qumështit të prezantojnë qartë specifikat e këtyre produkteve në treg. Sipas njoftimit, deklaracioni në paketim duhet të tregojë në mënyrë të qartë nëse produkti është me bazë shtazore, bimore apo me bazë qumështi pluhur, dhe produktet duhet të ndahen dhe prezantohen në rafte sipas këtyre kategorive. MINTI do të intensifikojë inspektimet për të parandaluar praktikat mashtruese dhe do të ndëshkojë operatorët që nuk respektojnë ligjin. Qytetarët ftohen të raportojnë çdo parregullsi në etiketim apo ndarje të produkteve, duke dërguar ankesa dhe dëshmi në numrin e telefonit ose adresën elektronike të ministrisë.