Komisioni për Ekonomi miratoi në parim Projektligjin për Energjinë Elektrike me shtatë vota pro, duke synuar avancimin e kornizës ligjore të sektorit të energjisë në Kosovë dhe harmonizimin me standardet e Bashkimit Evropian. Ministrja e Ekonomisë, Artane Rizvanolli, theksoi se ligji synon të sigurojë një sistem energjetik të qëndrueshëm, konkurrues dhe me çmime të përballueshme për konsumatorët, duke përfshirë digjitalizimin dhe tranzicionin energjetik.