Midea Kosova ka realizuar një udhëtim historik në Kinë me një grup prej 40 partnerësh dhe ekspertësh, duke vizituar dy nga megapoliset kryesore të prodhimit global, Guangzhou dhe Foshan. Gjatë gjashtë ditëve, delegacioni u njoh me teknologjitë më të avancuara në fushën e HVAC, duke parë nga afër fabrikat robotike dhe qendrën inovative të Midea Group, një nga liderët botërorë në këtë sektor. CEO i ACN, Fidan Muhaxheri, theksoi se ky mision nuk sjell vetëm pajisje, por edhe njohuri të thella dhe inteligjencë artificiale për të ardhmen e klimatizimit në Kosovë. Ky udhëtim shënon një hap të rëndësishëm për tregun vendor, duke sjellë ekspertizë dhe teknologji të nivelit global që do të ndikojnë në zhvillimin e industrisë së klimatizimit dhe pajisjeve të tjera në vend.