Komuna e Mitrovicës ka hapur një tender me vlerë prej 210 mijë eurosh për furnizimin e Njësisë Profesionale të Zjarrfikjes dhe Shpëtimit me një kamion zjarrfikës dhe një automjet terreni (xhip). Tenderi është ndarë në dy lote, ku operatorët ekonomikë mund të aplikojnë për të dy pjesët, me një kontratë që do të zgjasë dy muaj nga dhënia e saj. Për të marrë pjesë, kompanitë duhet të plotësojnë kërkesa financiare dhe profesionale strikte, duke përfshirë qarkullim minimal prej 420 mijë eurosh dhe përvojë në kontrata të ngjashme. Automjetet duhet të jenë të reja, me garanci 36-mujore, ndërsa kriteri për dhënien e kontratës është çmimi më i ulët.