Ministria e Punëve të Jashtme ka nënshkruar një kontratë me vlerë prej 497,014 euro me operatorin “AS Travel Club” SH.P.K., për të siguruar shërbime udhëtimi për një periudhë 12-mujore. Kjo marrëveshje kornizë do të mbulojë nevojat për bileta ajrore dhe shërbime të tjera të lidhura me udhëtimet zyrtare të stafit diplomatik dhe zyrtarëve të institucionit. Kontrata është pjesë e procedurave të rregullta të prokurimit që MPJ zhvillon për të menaxhuar shpenzimet e udhëtimeve. Falë kësaj marrëveshjeje, ministria nuk do të ketë më “hallin” e organizimit të udhëtimeve për një vit të tërë.