Interesimi për programin Bachelor në Shkencat e Sportit dhe të Lëvizjes në UBT është në rritje të madhe, duke reflektuar dëshirën e të rinjve për të ndjekur një karrierë në industrinë globale të sportit dhe shëndetit. UBT ofron një bursë prej 20% për të gjithë maturantët dhe kandidatët që regjistrohen në këtë program, i cili është i limituar në vende për shkak të kërkesës së lartë. Programi kombinon teori dhe praktikë sipas standardeve evropiane, duke përgatitur profesionistë në fushat e përgatitjes fizike, rehabilitimit, menaxhimit sportiv dhe teknologjive të avancuara për vlerësimin e performancës. Një avantazh i veçantë është partneriteti me klubin e njohur futbollistik S.L. Benfica, që sjell mundësi për praktikë dhe zhvillim profesional në një ekosistem ndërkombëtar të sportit.