Nga data 1 prill 2026 nis faza e dytë e liberalizimit të tregut të energjisë në Kosovë, ku bizneset me mbi 50 punonjës ose me qarkullim vjetor mbi 10 milionë euro nuk do të furnizohen më me tarifa të rregulluara nga Furnizuesi i Shërbimit Universal, KESCO. Këto biznese duhet të zgjedhin një furnizues të licencuar në tregun e hapur dhe të fillojnë procedurën e ndërrimit të furnizuesit të paktën 21 ditë para hyrjes në fuqi të kontratës së re. Në rast se nuk zgjedhin furnizues me kohë, do të furnizohen përkohësisht nga Furnizuesi i Mundësisë së Fundit për deri në 60 ditë, pas së cilës furnizimi do të ndërpritet në mungesë të një kontrate. Gjithashtu, përfundon marrëveshja për vet-konsumatorët (prosumatorët) me tarifa të rregulluara, ndërsa trajtimi i energjisë së prodhuar do të rregullohet me kontratën e furnizuesit të zgjedhur. KESCO fton bizneset të konfirmojnë të dhënat e tyre për një kalim të saktë në tregun e hapur.