Në Komunën e Novobërdës ka nisur rikonstruktimi i një segmenti të rrugës lokale Lame–Kllokoq, me gjatësi 3.4 kilometra. Investimi për këtë projekt është rreth 688 mijë euro, ndërsa asfaltimi pritet të fillojë gjatë javës së ardhshme. Përveç asfaltimit, do të vendoset edhe sinjalizimi horizontal dhe vertikal për të rritur sigurinë e banorëve dhe pjesëmarrësve në komunikacion. Ministria e Infrastrukturës dhe Transportit vijon investimet në infrastrukturën rrugore në komuna të ndryshme të vendit, duke përmirësuar lidhjet dhe kushtet e udhëtimit.