Në Komunën e Drenasit ka nisur fushata e korrje-shirjeve për vitin 2026, një moment kyç për fermerët dhe prodhimin vendor të grurit. Drejtoresha e Drejtorisë për Bujqësi, Donika Prenku, së bashku me Komisionin Komunal për korrje-shirje, kanë vizituar terrenin për të përcjellë nga afër fillimin dhe zhvillimin e punimeve. Korrje-shirjet kanë filluar në disa lokalitete dhe pritet të vazhdojnë në ditët në vijim, në varësi të kushteve atmosferike dhe gatishmërisë së fermerëve. Nga vlerësimet e para, rendimenti mesatar pritet të jetë rreth 4,000 deri në 4,500 kilogramë grurë për hektar, ndërsa Komuna dhe Drejtoria për Bujqësi do të vazhdojnë monitorimin për të siguruar një proces të rregullt dhe mbështetje të vazhdueshme për fermerët.