Në Qendrën e Automjeteve të Kosovës (QAK) ka nisur lëshimi i vërtetimeve për modifikimet e xhamave të errësuar në automjete, sipas procedurës së re A-TEST, e cila hyri në fuqi më 1 prill 2026. Kjo procedurë rregullon me dokumentacion errësimin e xhamave të pasëm në vetura dhe kushton 80 euro për çdo vërtetim të përputhshmërisë me standardet e lejuara. Para këtij ligji, vendosja e xhamave të errësuar që nuk ishin fabrikisht të tillë ndalohej dhe sanksionohej me gjobë, ndërsa me ligjin e ri për Rregullat e Trafikut Rrugor që hyri në fuqi më 2024, errësimi i xhamave konsiderohej si vendosje e pjesëve shtesë dhe gjobitej me 40 euro. Ndryshimi ligjor synon të rregullojë në mënyrë më të qartë dhe të kontrolluar përdorimin e xhamave të errësuar në automjete, duke përfshirë edhe një procedurë zyrtare të certifikimit në QAK.