Ministri në detyrë i Infrastrukturës dhe Transportit, Dimal Basha, ka njoftuar fillimin e punimeve në rrugën Rakosh–Cërkolez (R221), një projekt që përfshin rehabilitimin e 9.9 kilometrave rrugë me një investim prej 1,732,359 eurosh. Ai ka theksuar se punimet do të monitorohen nga afër për të adresuar shpejt çdo problem që mund të lindë gjatë realizimit, me qëllim përfundimin e projektit brenda afatit të parashikuar. Rehabilitimi i kësaj rruge pritet të përmirësojë ndjeshëm lidhjen rrugore dhe sigurinë në qarkullim për banorët dhe përdoruesit e aksit. Ky investim tregon angazhimin për zhvillimin e infrastrukturës rrugore dhe përmirësimin e kushteve të transportit në zonë.