Oda Ekonomike e Kosovës ka kërkuar ndërhyrje të menjëhershme fiskale për të frenuar rritjen e çmimeve të derivateve të naftës, që po ndikon drejtpërdrejt në inflacion, kostot e prodhimit dhe standardin e jetesës së qytetarëve. Si masa kryesore, OEK propozon uljen e tatimit mbi akcizën dhe lirimin ose uljen e përkohshme të Tatimit mbi Vlerën e Shtuar (TVSH) për derivatet e naftës. Këto masa synojnë të lehtësojnë barrën financiare për bizneset dhe qytetarët, si dhe të stabilizojnë tregun e karburanteve në Kosovë. Oda Ekonomike thekson se masa të ngjashme janë aplikuar në disa vende të Bashkimit Evropian dhe rajonit dhe shpreh gatishmërinë për të ofruar ekspertizën e saj në hartimin e politikave fiskale që mbështesin zhvillimin ekonomik dhe stabilitetin e tregut.