Oda Ekonomike e Kosovës ka përshëndetur vendimin e Komisionit Evropian për heqjen e të gjitha masave financiare që pengonin më parë qasjen e institucioneve dhe bizneseve kosovare në instrumentet e Bashkimit Evropian për zhvillim ekonomik. Ky hap i rëndësishëm hap rrugën për realizimin e projekteve rajonale në sektorë si energjia, mbrojtja e mjedisit, dixhitalizimi dhe infrastruktura lokale. OEK vlerëson angazhimin e Komisionit Evropian dhe institucioneve evropiane për të rikthyer Kosovën në rrugën e zhvillimit ekonomik dhe integrimit evropian. Oda mbetet e gatshme të vazhdojë bashkëpunimin me partnerët rajonalë dhe ndërkombëtarë për të siguruar një sektor privat të fuqishëm dhe perspektivëdhënës në Ballkanin Perëndimor dhe më gjerë.