Një raport i fundit i Odës Ekonomike të Kosovës tregon se pagat mesatare në vend janë rritur nga 477 euro në vitin 2019 në 713 euro në vitin 2025, por qytetarët vazhdojnë të përballen me një rritje të ndjeshme të kostos së jetesës dhe inflacionit. Megjithëse paga nominale është rritur, fuqia reale blerëse është goditur nga shtrenjtimi, pasi mbi dy të tretat e rritjes së pagave janë “ngrënë” nga çmimet në rritje. Në krahasim me vendet e tjera të Ballkanit Perëndimor, Kosova mbetet me pagat më të ulëta, ndërsa sektori publik ofron paga më të larta se sektori privat. Inflacioni në maj 2026 arriti në 6.8%, me rritje të ndjeshme çmimesh në transport, energji dhe ushqime, duke vështirësuar më tej situatën ekonomike të familjeve kosovare.