Kompania Rajonale e Ujësjellësit “Gjakova” ka prezantuar mundësinë e pagesave online përmes portalit shtetëror e-Kosova, duke lehtësuar kështu kryerjen e obligimeve për konsumatorët. Pagesat mund të realizohen shpejt dhe në mënyrë praktike, duke ndjekur udhëzimet e publikuara në një video të posaçme. KRU “Gjakova” synon që me këtë iniciativë t’i afrohet më shumë konsumatorëve dhe t’u ofrojë një mënyrë më të thjeshtë për përmbushjen e detyrimeve financiare. Konsumatorët janë ftuar të përdorin këtë platformë për të përfituar nga lehtësitë e reja në procesin e pagesave.