UNI - Universum International College, në bashkëpunim me Arizona State University, organizoi Panairin e Karrierës 2026 në kampusin e tij në Prishtinë, duke e kthyer atë në një qendër kryesore për mundësi punësimi dhe rrjetëzim. Mbi 35 kompani, institucione dhe organizata prestigjioze morën pjesë në këtë ngjarje, ku qindra studentë dhe të rinj patën mundësinë të takohen drejtpërdrejt me punëdhënësit dhe të prezantojnë CV-të e tyre. Atmosfera energjike dhe interesimi i madh i pjesëmarrësve nga sektorë të ndryshëm e bënë këtë panair një nga ngjarjet më të rëndësishme për zhvillimin profesional të të rinjve në Kosovë. Gjatë eventit, studentët morën këshilla profesionale dhe u informuan mbi pozitat e hapura për punë dhe praktikë, duke dëshmuar përkushtimin e institucioneve arsimore në përgatitjen e tyre për tregun vendor dhe ndërkombëtar të punës.