KRU Hidromorava në Gjilan ka paralajmëruar konsumatorët që nuk kanë paguar deri në dy fatura se do të përballen me shkyçje nga rrjeti i ujësjellësit dhe procedura përmbarimore. Kompania ka bërë të ditur se ata që nuk mund të shlyejnë menjëherë borxhin kanë mundësi të përfitojnë nga riprogramimi i pagesave me këste mujore. Për këtë qëllim, konsumatorët mund të paraqiten në zyrat e KRU Hidromorava për të arritur marrëveshje dhe shmangur masat e shkyçjes. Pagesat mund të realizohen në arkat e kompanisë, Postën e Kosovës dhe institucionet mikrofinanciare gjatë orarit 08:00-20:00.