Zyra Kombëtare e Auditimit (ZKA) ka publikuar një opinion të kualifikuar për Pasqyrat Financiare Vjetore të Komunës së Prizrenit për vitin 2025, duke evidentuar një sërë parregullsish në menaxhimin e parasë publike. Raporti zbulon keqklasifikime buxhetore mbi 2.1 milionë euro, nënvlerësim të llogarive të arkëtueshme dhe pasurisë kapitale, si dhe vonesa të mëdha në pagesat ndaj operatorëve, deri në 516 ditë. Një shqetësim i veçantë lidhet me projekte infrastrukturore të regjistruara si të papërfunduara që nga viti 2013, me vlerë mbi 47 milionë euro, të cilat nuk janë zhvlerësuar sipas standardeve financiare. Raporti gjithashtu evidenton mospërputhje të mëdha në tenderë, mungesë dokumentacioni për pagesa milionëshe dhe kontrata pa mbulim financiar, duke nxjerrë në pah sfida serioze në disiplinën financiare dhe transparencën e Komunës së Prizrenit.