Komisioni për Mbrojtjen e Konkurrencës në Maqedoni ka zbuluar parregullsi në disa qendra blerjeje që blejnë fruta dhe perime nga fermerët dhe personat juridikë. Gjatë inspektimeve janë konstatuar mungesa e kontratave të shkruara, përdorimi i kontratave që nuk përmbajnë elementët e detyrueshëm ligjorë, si dhe mosrespektimi i dispozitave kontraktuale. Komisioni ka njoftuar se do të vazhdojë mbikëqyrjen aktive dhe do të ndërmarrë masa kundër subjekteve që shkelin ligjin. Në të njëjtën kohë, është bërë thirrje për respektimin e rregullave ligjore për të siguruar marrëdhënie të drejta dhe transparente në zinxhirin e furnizimit bujqësor dhe ushqimor.