Ardian Gjini, kandidati për kryeministër nga Aleanca, gjatë vizitave në bizneset e Mitrovicës ka theksuar rëndësinë e sektorit privat si motor i ekonomisë së Kosovës. Ai ka dëgjuar kërkesat dhe shqetësimet e sipërmarrësve lokalë dhe ka prezantuar planin e AAK-së që synon përmirësimin e kushteve, infrastrukturës dhe stabilitetit ekonomik për këtë sektor. Ky plan do të fillojë të zbatohet menjëherë pas 7 qershorit dhe do të shënojë një fazë të re zhvillimi ekonomik në vend. Gjini ka njoftuar se vizitat në terren do të vazhdojnë në komuna të ndryshme për të forcuar bashkëpunimin me bizneset vendore dhe për të krijuar kushte më të favorshme për investime.