Kryetari i Komunës së Prishtinës, Përparim Rama, ka zhvilluar një takim me kryetarin e Odës Ekonomike të Kosovës, Lulzim Rafuna, ku kanë diskutuar mbi bashkëpunimin në fushën e arsimit dual dhe avancimin e standardeve profesionale. Rama theksoi rëndësinë e bashkëpunimit dhe zgjidhjeve konkrete për zhvillimin ekonomik të rajonit. Ai përmendi rolin e Qendrës për Arsim Dual në kuadër të OEK, e cila do të ofrojë edukim praktik për nxënësit dhe studentët, duke forcuar kapacitetet dhe shërbimet për bizneset në kryeqytet. Ky bashkëpunim synon të përmirësojë lidhjen mes arsimit dhe tregut të punës për të nxitur zhvillimin ekonomik në Prishtinë dhe më gjerë.