Dhoma e Tregtisë dhe Industrisë e Kosovës organizoi një takim ndërmjet kryetarit të Komunës së Prishtinës, Përparim Rama, dhe përfaqësuesve të bizneseve anëtare. Qëllimi i këtij bashkëbisedimi ishte të trajtoheshin çështjet që ndikojnë në komunitetin e biznesit dhe zhvillimin ekonomik të kryeqytetit. Gjatë takimit, bizneset patën mundësinë të parashtrojnë kërkesat, sfidat dhe propozimet e tyre drejtpërdrejt para kryetarit Rama. Temat kryesore të diskutimit përfshinë klimën e të bërit biznes, infrastrukturën, shërbimet komunale dhe mënyrat për të forcuar bashkëpunimin ndërmjet institucioneve lokale dhe sektorit privat.