Policia e Kosovës ka hapur për herë të dytë një tender në vlerë rreth 16 mijë euro për furnizim me materiale që do të përdoren në renovimin e Kampit Policor “Enver Zymberi”. Ky hap vjen pas raportimeve në media që treguan gjendjen e rënduar të kampit, ku u publikuan fotografi me dyer dhe dritare të thyera, si dhe pjesë të tjera të dëmtuara të objektit. Megjithëse Ministria e Punëve të Brendshme dhe Policia e Kosovës mohuan fillimisht këto pamje duke thënë se ato i përkasin hapësirave të vjetra dhe jashtë përdorimit, më pas u vendos të nisë procesi i rinovimit. Tenderi është për furnizim me materiale dhe jo për kryerjen e punimeve, ndërsa afati për dorëzimin e ofertave është deri më 2 korrik 2026, duke synuar përmirësimin e kushteve infrastrukturore dhe funksionale të kampit.