Presidenti i Bolivisë, Rodrigo Paz, ka vendosur të ulë me 50% pagën e tij dhe të ministrave në një kohë kur vendi po përballet me një krizë të thellë politike dhe ekonomike. Kjo masë vjen ndërsa inflacioni ka arritur në 14% dhe protestat e sindikatave, fermerëve, mësuesve dhe punëtorëve janë intensifikuar, duke kërkuar dorëheqjen e presidentit dhe heqjen e masave shtrënguese. Situata ka shkaktuar bllokime rrugësh dhe mungesa të ushqimeve, karburantit dhe ilaçeve në disa zona, duke rënduar më tej jetesën e qytetarëve. Qeveria e Paz po përpiqet të tregojë angazhimin e saj ndaj qytetarëve përmes këtij veprimi simbolik, ndërsa vendi hyn në javën e katërt të trazirave sociale dhe politike.