Kryetari i Prishtinës, Përparim Rama, ka pritur në takim Princin Naif bin Abdullah bin Saud bin Abdulaziz AlSaud nga Arabia Saudite, duke theksuar potencialin e madh për bashkëpunim ekonomik ndërmjet dy vendeve. Rama e përshkroi Prishtinën dhe Kosovën si një platformë të shkëlqyer për investime, pavarësisht sfidave të kaluara, dhe shprehu gatishmërinë për të realizuar projekte në shkallë të gjerë me mbështetjen e investitorëve sauditë. Ai vuri në dukje rëndësinë e krijimit të marrëdhënieve të qëndrueshme dhe afrimit të komuniteteve të biznesit, duke theksuar mikpritjen dhe gatishmërinë për bashkëpunim. Nga ana e tij, Princi Naif shprehu kënaqësinë për vizitën në Kosovë dhe impresionin e tij pozitiv për njerëzit dhe vendin.