Fabrika e Prince Caffe, pjesë e Devolli Corporation, po regjistron rritje të vazhdueshme të eksportit, duke depërtuar tashmë në mbi 40 shtete dhe duke arritur deri në kontinentet më të largëta. Ky sukses i jashtëzakonshëm i eksportit, që rritet me 20% çdo vit, mbështetet në inovacionet teknologjike dhe në një proces prodhimi shumë të kujdesshëm që garanton cilësinë e produkteve. Aktualisht, eksportet përfshijnë vende evropiane si Zvicra, Austria, Kroacia, si dhe tregje në Lindjen e Mesme dhe Amerikë, duke përfshirë bashkëpunime me zinxhirë të njohur marketesh si Plodine dhe Kaufland. Fabrika moderne në Pejë ka një kapacitet prej 40 mijë tonë në vit dhe shërben mbi 350,000 klientë në muaj, duke e bërë Prince Caffe një nga markat më të kërkuara në tregjet ndërkombëtare.