Përparim Rama dhe ministrja Mimoza Kusari Lila zhvilluan një takim për të forcuar bashkëpunimin ndërinstitucional dhe koordinimin e projekteve strategjike zhvillimore mes Komunës së Prishtinës dhe Ministrisë së Industrisë, Tregtisë, Ndërmarrësisë dhe Inovacionit. Një nga temat kryesore ishte krijimi i Parkut Industrial Eco, për të cilin plani i fizibilitetit është përgatitur dhe hap rrugën për fazat e mëtejshme të implementimit. Ky park do të funksionojë mbi parimet e ekonomisë qarkore dhe do të përfshijë teknologji të ripërtëritshme si panelet solare dhe bateritë akumuluese, duke synuar zhvillimin e qëndrueshëm dhe inovacionin. Gjithashtu, u theksua interesi në rritje i industrisë së filmit për përdorimin e parkut si hapësirë për prodhim dhe zhvillim kreativ, duke e bërë atë një pikë kyçe për sektorin kreativ në Kosovë.