Dhoma e Tregtisë dhe Industrisë së Kosovës ka organizuar një takim me bizneset prodhuese, ku u diskutuan sfidat kryesore që po ndikojnë në sektorin vendor. Prodhuesit raportojnë një rënie të shitjeve deri në 20% dhe ulje të fitimeve, duke paralajmëruar se nëse kjo situatë vazhdon, do të ketë reduktime të vendeve të punës dhe kapaciteteve prodhuese. Problemet kryesore përfshijnë çmimet e larta të lëndës së parë, rritjen e kostove të energjisë, mungesën e mbështetjes institucionale, si dhe vështirësitë në eksport, sidomos për shkak të mosnjohjes së dokumenteve nga Serbia. Dhoma e Tregtisë kërkon një reagim urgjent dhe koordinim institucional për të mbështetur prodhuesit vendorë dhe për të shmangur pasojat negative në ekonominë vendore.