Komisioni për Ekonomi ka shqyrtuar projektligjin e ri për Energjinë, i cili sipas Ministres së Ekonomisë, Artane Rizvanolli, synon të rrisë mbrojtjen e konsumatorëve dhe të përafrojë sektorin energjetik të Kosovës me standardet e Bashkimit Evropian. Projektligji ka karakter kornizë dhe përcakton parimet dhe strukturën e përgjithshme të sektorit, duke vendosur theks të veçantë te të drejtat e qytetarëve dhe bizneseve, por ka ngjallur kritika nga opozita për centralizim të kompetencave dhe rrezik konflikti interesi.