Për herë të parë në vend, Ministria e Financave ka organizuar një provim nacional për certifikimin e revizorëve të brendshëm në sektorin publik, duke vendosur standarde të reja për profesionalizimin dhe përforcimin e këtij funksioni. Ky hap konsiderohet i rëndësishëm për përmirësimin e sistemit të kontrollit të brendshëm financiar dhe për të siguruar transparencë, ligjshmëri dhe përgjegjësi në institucionet publike. Certifikimi do të kontribuojë në ngritjen e kapaciteteve të njësive të revizionit të brendshëm dhe është pjesë e angazhimit të Ministrisë së Financave për luftën kundër korrupsionit. Gjithashtu, kjo iniciativë mbështetet nga ekspertë të Bashkimit Evropian dhe përputhet me rekomandimet e Kapitullit 32 për integrimin evropian dhe reformat në fushën e kontrollit financiar.