Autoritetet në Danimarkë kanë paralajmëruar qytetarët dhe bizneset që të jenë të përgatitur për situata krize ku sistemet e pagesave dixhitale mund të dështojnë, duke rekomanduar mbajtjen e një sasie cash në shtëpi. Drejtoresha e Bankës Kombëtare, Ulrike Nødgaard, thekson se varësia nga teknologjia rrit rrezikun nga defektet teknike dhe sulmet kibernetike, ndaj qytetarët duhet të kenë alternativa pagese, përfshirë rreth 35 euro cash për person. Autoritetet kujtojnë ndërprerjet e mëparshme të energjisë në vende të tjera evropiane, që kanë bllokuar sistemet e pagesave dhe kanë nxjerrë në pah rëndësinë e parave të gatshme në raste emergjente. Përveç cash-it, rekomandohet përdorimi i dy kartave të ndryshme dhe njohja e PIN-it, pasi edhe pagesat offline kërkojnë verifikim, ndërsa shërbimet e inteligjencës paralajmërojnë për rritjen e kërcënimeve kibernetike ndaj infrastrukturës kritike të vendit.