Tradicionalisht, ari konsiderohet një aset i sigurt në kohë krizash dhe pasigurie globale, që rritet kur tensionet dhe inflacioni janë të lartë. Megjithatë, këtë herë, pavarësisht konfliktit të gjatë mes SHBA-së, Izraelit dhe Iranit, çmimi i arit ka pësuar një rënie të ndjeshme, duke zbritur nga 5,303 në 4,235 dollarë për ons. Faktorët kryesorë që ndikojnë këtë zhvillim janë pritshmëritë për norma interesi të larta nga Banka Qendrore Amerikane, e cila e bën arin më pak tërheqës si aset pa fitim të garantuar, si dhe forcimi i dollarit amerikan që ul kërkesën ndërkombëtare për ar.