Në Shqipëri vazhdojnë të jenë mbi 68 mijë persona të papunë, megjithatë tregu i punës përballet me mungesë punëtorësh të kualifikuar. Ekspertët theksojnë se problemi kryesor është mospërputhja mes aftësive të të diplomuarve dhe kërkesave të sektorëve privat dhe publik, si dhe pritshmëritë e larta për paga që nuk përkojnë me ofertat aktuale. Sektoret që po absorbojnë më shumë punonjës janë ndërtimi, turizmi dhe tregtia, ndërsa një pjesë e fuqisë punëtore është e papërshtatshme për shkak të mungesës së aftësive praktike dhe teknologjike. Gjithashtu, rikthimi i pensionistëve në tregun e punës dhe plakja e fuqisë punëtore paraqesin sfida të mëdha për ekonominë shqiptare, duke kërkuar rikualifikim dhe përshtatje me kërkesat e reja të teknologjisë.