Ministria e Infrastrukturës po vijon me intensitet punimet në projektin rrugor Livadhet e Istogut-Mokna, i cili pritet të përfundojë brenda këtij viti. Aktualisht, në Fazën II janë asfaltuar 8.2 kilometra nga gjithsej 11.9 kilometra, ndërsa në Fazën I punimet janë realizuar në masën 90%. Investimi total kap vlerën prej rreth 3.7 milionë eurosh dhe përfshin një rrugë me gjatësi afër 20 kilometrash në komunën e Istogut. Ky projekt synon të përmirësojë ndjeshëm infrastrukturën rrugore, të rrisë sigurinë në trafik dhe të krijojë kushte më të mira për qarkullimin e banorëve dhe përdoruesve të rrugës.