Qeveria shqiptare ka vendosur të shfuqizojë Bordin e Transparencës për karburantet, i cili ishte ngritur më 23 mars 2026 për të menaxhuar situatën e pasigurt në tregun e hidrokarbureve pas krizës në Lindjen e Mesme. Ministrja e Ekonomisë, Delina Ibrahimaj, njoftoi se vendimi u mor pasi çmimet në bursë kanë filluar të ulen dhe stabilizohen prej më shumë se dy javësh, duke reflektuar një përmirësim të situatës. Ky stabilizim u mundësua edhe nga marrëveshja ndërmjet SHBA-së dhe Iranit, e cila pritet të zhbllokojë kanalin e Hormuzit dhe të ulë tensionet gjeopolitike në rajon. Me përfundimin e funksionimit të Bordit, qeveria konsideron se tregu i hidrokarbureve ka kaluar fazën e pasigurisë dhe nuk ka më nevojë për masa të veçanta kontrolli.