Shoqata e Industrisë së Qumështit të Kosovës (SHIQK) ka kërkuar nga Ministria e Bujqësisë dhe Agjencia e Ushqimit dhe Veterinarisë publikimin e plotë të dokumentacionit dhe provave laboratorike lidhur me rezultatet e kontrolleve në sektorin e qumështit. Në konferencën për media, ministri në detyrë Armend Muja prezantoi rezultatet e analizave, por pa publikuar raportet dhe dokumentacionin e detajuar, gjë që ka shqetësuar industrinë vendore. SHIQK thekson se është e rëndësishme të bëhet dallim mes produkteve të pasigurta për konsum, mospërputhjeve në etiketim dhe çështjeve administrative, duke kërkuar sqarime të plota për 93 mospërputhjet e identifikuara në 471 mostra të analizuar. Shoqata ka paralajmëruar se nëse deri më 12 gusht 2026 nuk publikohen të dhënat e plota, do të ndalojë grumbullimin e qumështit, duke theksuar se dëmtimi i besimit në prodhimin vendor do të ketë pasoja të gjera për fermerët, punëtorët dhe investimet në këtë sektor.