Anëtari i Lidhjes Demokratike të Kosovës, Berat Rukiqi, ka bërë një krahasim mes çmimit të naftës në Kosovë dhe Gjermani duke theksuar se qytetarët e Kosovës paguajnë katër herë më shumë për naftën në raport me fuqinë blerëse. Ai shpjegon se, megjithëse çmimi nominal i naftës në Gjermani është më i lartë (rreth 2.11 euro për litër krahasuar me 1.82 euro në Kosovë), paga mesatare neto në Gjermani është shumë më e lartë (2,900 euro në muaj kundrejt 639 euro në Kosovë). Kjo bën që përqindja e të ardhurave që shpenzohen për naftë të jetë shumë më e madhe në Kosovë (0.28% e pagës mujore) sesa në Gjermani (0.07%). Rukiqi ka ironizuar argumentet që justifikojnë çmimet e larta në Kosovë dhe ka rikthyer vëmendjen tek sfidat ekonomike dhe standardi i ulët jetësor që përballen qytetarët kosovarë.