Kryeministri Edi Rama ka deklaruar se rritja e çmimeve të karburantit është e pashmangshme dhe po ndodh në të gjithë botën për shkak të krizës së shkaktuar nga lufta në Iran. Për të parandaluar rritjet abuzive në tregun e naftës, Ministria e Ekonomisë dhe ajo e Financave kanë ngritur një task-forcë të përbashkët që do të monitorojë dhe kontrollojë situatën në treg. Po ashtu, Rama bëri me dije se do të krijohet një faktor shtetëror me impakt në tregun e brendshëm të naftës, i cili do të luajë rolin e stabilizuesit të çmimeve, do të rrisë transparencën dhe do të garantojë furnizimin në treg, duke u mbështetur në garancinë sovrane. Ky hap konsiderohet si një moment kthese për të përmbushur zotimet e mandatit të katërt, duke synuar që nafta në Shqipëri të jetë më pak e ndikuar nga luhatjet ndërkombëtare të çmimeve.