Në mars 2026, skema e shtesave për fëmijë në Kosovë regjistroi numrin më të madh të përfituesve në kuadër të skemave të mirëqenies sociale, me mbi 404 mijë persona të përfshirë dhe pagesa që kapën mbi 14 milionë euro. Kjo shifër tejkalon dukshëm kategoritë e tjera, përfshirë pensionet bazë të moshës, që kanë mbi 165 mijë përfitues dhe mbi 25 milionë euro pagesa. Gjithashtu, numri i veteranëve të UÇK-së u rrit në mars në 38,437 përfitues, nga 37,893 në shkurt, me mbi 7 milionë euro pagesa për këtë kategori. Skemat e tjera sociale, si pensionet për personat me aftësi të kufizuara dhe kompensimet e ndryshme, vazhdojnë të kenë një rol të rëndësishëm, por me shpenzime më të ulëta krahasuar me pensionet bazë dhe shtesat për fëmijë.