Gjatë vitit 2025, vlera totale e sponsorizimeve në sportin kosovar ka arritur në mbi 24.4 milionë euro, duke shënuar një rritje të ndjeshme të investimeve nga sektori privat. Pjesa më e madhe e këtyre fondeve, rreth 21.3 milionë euro, është orientuar drejt klubeve sportive, ndërsa federatat kanë përfituar rreth 2.73 milionë euro për zhvillimin e aktiviteteve të tyre. Futbolli mbetet sporti me mbështetjen më të madhe financiare, me mbi 9 milionë euro, i ndjekur nga basketbolli me mbi 6 milionë euro, ndërsa volejbolli dhe hendbolli kanë marrë mbështetje më modeste. Ndër sponzorizuesit kryesorë janë kompani dhe institucione të njohura si Frutex, IPKO, Viva Fresh, Banka Ekonomike, TEB dhe ProCredit Bank, të cilat kanë kontribuar në rritjen e cilësisë së garave dhe profesionalizimin e sportit në Kosovë.