Në janar 2026, numri i turistëve të huaj që vizituan Kosovën ra me 4.4% krahasuar me janarin e vitit 2025, duke arritur në 39,603 vizitorë të huaj. Sipas Agjencisë së Statistikave të Kosovës, numri total i vizitorëve në hotelet e vendit ishte 66,980, që përbën një rënie prej 3.2% nga 69,227 vizitorë në janar 2025. Nga net-qëndrimet e regjistruara gjatë këtij muaji, 56.1% i përkisnin vizitorëve të huaj, ndërsa 43.8% vizitorëve vendorë. Rajoni i Pejës kishte numrin më të madh të vizitorëve vendorë në hotele, ndërsa vizitorët e huaj kryesisht vinin nga Shqipëria, Gjermania, Zvicra dhe Turqia.