Qeveria miratoi ribalancin e plotësuar të buxhetit për vitin 2026, duke siguruar fonde shtesë për mbështetjen e grave të angazhuara në bujqësi dhe për viktimat e dhunës në familje dhe dhunës gjinore. Në kuadër të këtij ribalanci, do të krijohet një linjë nacionale SOS dhe do të hapen dy qendra kujdesi për viktimat, ndërsa do të rriten edhe subvencionet në bujqësi dhe transportin hekurudhor. Ministria e Financave njofton se shpenzimet totale janë planifikuar në 425.8 miliardë denarë, me një deficit prej 46.3 miliardë denarësh, ndërsa rritja ekonomike pritet të arrijë 3.5%. Ky ribalanc synon gjithashtu të përmirësojë mbështetjen sociale, shëndetësore dhe investimet kapitale, duke ulur shpenzimet për mallra dhe shërbime.