Shoqëria aksionare “Trepça” ka nisur një projekt të rëndësishëm për rivitalizimin e Horizontit VI në minierën e Artanës, duke synuar përmirësimin e infrastrukturës minerare dhe shfrytëzimin më të mirë të rezervave. Deri tani janë pastruar rreth 918 metra të korridorit kryesor dhe janë realizuar punime për përforcimin dhe sigurimin e galerive, duke u përqendruar në lidhjen funksionale të infrastrukturës ekzistuese. Projekti përfshin punime drejt Trupi Xeheror 1, që ka një potencial ekonomik indikativ prej rreth 53.1 milionë eurosh, si dhe drejt oxhaqeve 601 dhe 603, me qëllim krijimin e kushteve për zhvillimin e mëtejshëm të aktivitetit minerar. Ky hap konkret synon rritjen e kapaciteteve dhe zgjatjen e perspektivës së punës së minierës së Artanës, duke reflektuar rezultatet pozitive të arritura gjatë vitit 2026.