Ministrja e Ekonomisë së Kosovës, Artane Rizvanolli, gjatë vizitës së saj në Uashington DC zhvilloi takime të rëndësishme në Departamentin e Energjisë dhe Departamentin e Shtetit të SHBA-së. Në këto takime u diskutua për mundësitë e bashkëpunimit ekonomik mes dy vendeve, me fokus të veçantë në gazifikimin e thëngjillit dhe sektorin minerar. Rizvanolli theksoi rëndësinë e sigurisë energjetike dhe ndikimin e zhvillimeve rajonale në çmimet e importit për Kosovën, duke falënderuar SHBA-në për mbështetjen e vazhdueshme, përfshirë Programin Kompakt të Korporatës së Sfidave të Mijëvjeçarit. Ajo kërkoi gjithashtu thellim të bashkëpunimit në sektorin minerar, duke theksuar se ky do të jetë një fokus i veçantë i Qeverisë së Kosovës gjatë këtij mandati.