Ministrja e Ekonomisë, Artane Rizvanolli, së bashku me ministren e Industrisë, Mimoza Kusari-Lila, morën pjesë në konferencën ndërkombëtare PDAC 2026 në Toronto, Kanada, një nga ngjarjet më të mëdha globale në fushën e eksplorimit dhe industrisë minerare. Gjatë qëndrimit atje, ministrja zhvilloi takime me zyrtarë dhe përfaqësues të industrisë kanadeze, duke përfshirë zëvendësministra dhe drejtues të shoqatave minerare, me fokus në bashkëpunimin ekonomik dhe zhvillimin e qëndrueshëm të sektorit minerar në Kosovë. Delegacioni kosovar mori pjesë në sesione tematike mbi trendet globale në eksplorim, financim, teknologji dhe qeverisje të burimeve minerare. Sektori minerar është një prioritet zhvillimor i Qeverisë së Kosovës, me një investim publik të planifikuar prej rreth 50 milionë eurosh për të nxitur zhvillimin e tij.