Komuna e Kaçanikut ka njoftuar bizneset që gjatë sezonit veror, çdo aktivitet jashtë orarit të rregullt të punës kërkon pajisje me leje të veçantë dhe pagesën e një takse shtesë. Kjo masë është pjesë e Rregullores për Orarin e Punës të Subjekteve Afariste në territorin e komunës. Inspektorati do të kryejë kontrolle në terren për të siguruar respektimin e këtyre rregullave, ndërsa bizneset që nuk do të kenë lejen përkatëse do të përballen me masa ndëshkuese dhe gjoba. Për informacione të mëtejshme, bizneset mund të kontaktojnë Drejtorinë për Zhvillim Ekonomik në Komunën e Kaçanikut.